×

اضغط هنا إن لم يقم المتصفح بتحويلك آليًا.

ناظماً قصيدةً بهذه المناسبة .... الشاعر نواف النهير العلوي الشمري يهنى الأمير عبدالعزيز بن سعد بعد تعيينه أميراً لمنطقة حائل

بواسطة 1
ناظماً قصيدةً بهذه المناسبة .... الشاعر نواف النهير العلوي الشمري يهنى الأمير عبدالعزيز بن سعد بعد تعيينه أميراً لمنطقة حائل
1 سبق حائل - حائل :

قصيدة بمناسبة الثقة الملكية بتعيين صاحب السمو الملكي / الأمير عبد العزيز بن سعد بن عبد العزيز آل سعود حفظه الله أميراً لمنطقة حائل



طير السعد وجه السعد والسعد فيك
مبروك يا أميرٍ تومر بحائـل
سبحان من سماك الله مسميك
سميّ جدك ذاك عدل الشمايل
ذاك المؤسس وأنت كل النقاء فيك
عبد العزيز وطيب راسك هوايـل
يا أمير حايل علّ ربي يحييك
بك حب حايل مايبي له دلايـل
حنّا نحبك حبّ مافيه تشكيك
وحايل وأهلها ماتبي لك بدايـل
يا الحرّ الأشقر ما بساسك شرابيك
ابن سعد والخال حاكم بحايـل
يا نجم ياللي لا طرا بس طاريك
نفرح بذكرك يا طـرا بالوسايـل
يا علّ ربي لجل حايل يخليـك
أنت الحصايل يوم ذكر الحصايل
من حدّ تيماء لين دار الصعيليك
ومن الحايط القبلي لحمر النثايـل
وحايل وحبه في عروقٍ مشت فيك
عبد العزيز ويا شريف الخصايـل
ندري ولا يحتاج عليه نوصيك
يا الحرّ ياللي للجزيلات طايـل
ولو ما أنت فيها كان يتعب تمنيك
أنت الأمير اللي تجيب الأوايـل
يا إبن سعد كل السعد في مناشيك
بناخ الضيـاغم وأنت ساسك بوايـل
أجـا يغني بعالي الصوت يطريك
وسلمـى تقض جعودهـا والجدايـل
ورمان وأهله وقفوا لك تحييك
وحايـل ومن فيها لأجلك تمايـل
وضلع العصام يقول ملكك بأياديك
يا أبن سعد يا أبو الصخى والجمايـل
المنطقة يا أمير آمر وتاتيـك
حبٍ صحيحٍ مخلصٍ لك صمايـل
حايل وأهلها شاكرينٍ مساعيك
كلك كـرم يا أمير ما بك خمايـل



الشاعر / نواف النهير العلوي الشمري




image





0 | 0 | 2228
التعليقات 0
التعليقات 0
أكثر